په‌یوه‌ندی رێبازی صۆفیگه‌ری عه‌ددوییه‌كان به‌ ده‌سه‌ڵاتدارانی مه‌مالیكه‌وه‌له‌سه‌ره‌تای دامه‌زراندنیه‌وه‌ تا ساڵی(741ك/1134ز)

زانستێکە بایەخ و گرنگی بە پاککردنەوەی دڵ و دەروون دەدات، ئامانجیشی خۆ دوور گرتنە لە هەموو کارێکی نا پەسەند و نەشیاو، زۆر جاریش بەم زانستە گوتراوە (علم الحقيقة) (حاجی خلیفە، 1980)، کە تێیدا مەبەست لێی وێڵ بوونە بەدوای خودای حقیقی، ئامانجیش خۆ نزیک کردنەوەیە لە خودا و خۆ دوور گرتنە لەو کار و کردەوانەی کە خەڵکی دیکە ئەنجامی دەدەن. و زۆر جاریش صۆفییەکان نازناوی (الفقراء) (ابن فضل الله، 2003) (ظهير : 2008) یان (غرباو) و (سیاحین)یان لە خۆیان ناوە (الکلاباذی: 2001) (الحمید ،1999) (شرف ، 1980) بوونی ئاینی جیاواز و هاتنە ناوەوەی خەڵکانێکی دوور لە ئاین و بەتابەتیش مەمالیکەکان و دواتریش لە ژێر کاریگەری فەلسەفەی یۆنانی و ئەفلاتونی بەشێک لە صۆفیەکان و شوێنکەوتوانیان لە ڕێبازی پیرۆزی ئیسلام و قورئان و فەرمودە لایاندا، کە سەرئەنجام زانایانی ئیسلامی کەوتنە دژایەتی کردنیان، لە پێشەوەی ئەو زانایانەی کە زۆر بە توندی دژی صۆفی و ڕێبازەکانی صۆفی گەری وەستایەوە (ابن التیمیە) (661ك-728ك) (1263ز-1328ز) بو کە زۆر بوێرانە لە بەرامبەر پێشێلکاری و خراپی بیر و باوەر و کار و کردەوەی صۆفیەکان وەستایەوە. ئەم توێژینەوەیە لە دەڕوازە و دوو تەوەری سەرکی پێک دێت کە لە دەروازەکەدا تیشک خراوەتە سەر باروودۆخی ڕێبازی صۆفیگەری سەردەمی مەمالیک و هۆکارەکانی گەشەکردن و فراوان بوونی ڕێبازە صۆفیگەریەکانی ئەو سەردەمە، لە تەوەری یەکەم ژیاناممەی بەشێک لە صۆفیەکانی ڕێبای صۆفیگەرایی عەدوویەکان باسی لێ کراوە، هەرچی تەوەری دووەم تایبەت کراوە بە پەیوەندی نێوان دەسەڵاتدارانی مەمالیک و صۆفیەکانی عەدوویەکان و بە درێژی لێی دوواوین.