ڕۆڵی ڕاگەیاندنی ژینگەیی لە پەرەپێدانی هۆشیارى و ڕەفتاری تاک بەرامبەر ژینگە

ڕاگه‌یاندنی ژینگه‌یی به‌یه‌كێك‌ له‌ پایه‌ سه‌ره‌كیه‌كانی پاراستنی ژینگه‌ و هۆشیاركردنه‌وه‌ی كۆمه‌ڵگه‌ دادنرێت، كه‌ به‌هۆیه‌وه‌ كار بۆ بڵاوكردنه‌وه‌ی چه‌مك و به‌ها ژینگه‌یه‌كان ده‌كات، له‌هه‌مان كاتدا كار بۆ هۆشیاركردنه‌وه‌ی تاكه‌كانی كۆمه‌ڵ و ده‌سه‌ڵات و لایه‌نه‌ په‌یوه‌ندیداره‌كان ده‌كات له‌ پێناو پاراستنی ژینگه‌ و په‌ره‌پێدانی، له‌م سه‌رده‌مه‌دا ڕاگه‌یاندنی ژینگه‌یی به‌كۆی ئامرازه‌كانی ده‌توانێ ڕۆڵێكی ئیجگار گه‌وره‌ له‌ چاره‌سه‌ركردنی بابه‌ته‌ ژینگه‌ییه‌كان و ئاڕاسته‌كردنی ڕه‌فتاری تاك له‌ خزمه‌تی ژینگه‌ بگێڕێ ، به‌شێوه‌یه‌ك ده‌بنه‌ هۆی به‌رزكردنه‌وه‌ی ئاستی هۆشیاری و ڕۆشنبیری و پارێزگاریكردن له‌ ژینگه‌. له‌م توێژینه‌وه‌یه‌دا و ، لە ڕوانگەى کۆمەڵناسى ڕاگەیاندنەوە كار و ئه‌ركه‌كانی ڕاگه‌یاندنی ژینگه‌یى گفتوگۆى زانستى لەبارەوە کراوە، لە ئەنجامدا دەرکەوتووە؛ ڕاگه‌یاندنی ژینگه‌ی چ وه‌ك چه‌مك چ وه‌ك بابه‌ت و زانست، مێژویه‌كی كۆنی نیه‌، به‌ڵكو یه‌كێكه‌ له‌ زانسته‌ تازه‌كان و، له‌گه‌ڵ زۆربونی كێشه‌ی ژینگه‌ و تێكچونی هاوسه‌نگی ژینگه‌، پێویستی ئه‌م زانسته‌ بۆ هۆشیاركردنه‌وه‌ی تاكه‌كانی كۆمه‌ڵگه‌ و ده‌وڵه‌ت ده‌ركه‌وت. له‌ كوردستان سه‌رباری بایه‌خدانی كه‌ناڵه‌كانی ڕاگه‌یاندن به‌ژینگه‌، به‌ڵام به‌هۆكاری کەمى پسپۆڕی ئه‌كادیمی له‌ بواری ڕاگه‌یاندنی ژینگه‌یی و كارنه‌كردنی كه‌ناڵه‌كانی دیكه‌ی پێگه‌یاندنی كۆمه‌ڵایه‌تی وچه‌ندین بابه‌تی دیكه‌، ژینگه‌ی كوردستان و هۆشیاری ژینگه‌یی له‌ ئاستی پێویستدا نیه‌ ، چونکە ڕاگەیاندن لە کوردستان لە بوارى ژینگە زیاتر کارى لەسەر گواستنه‌وه‌ی هه‌واڵى دۆخى كه‌ش و هه‌وا ى ڕۆژ کرتوە، نەک باسکردن لە مەترسیەکانى تێکچونى ژینگە و خراپ مامەڵەکردنى تاک لەگەڵ پێکهاتە و ڕەگەزەکانى ژینگە.